Hoekom Vastrap?

Vastrap is ‘n besonderse skool met unieke kenmerke wat ons soos ‘n paal bo water laat uitstaan:

1. Vastrap is ‘n Super 12-skool. Dit beteken dat ons op die hoogste vlak van kultuur- en sportkompetisie in Suid Afrika kan deelneem.
2. Al die klasse by Vastrap het minder kinders vir persoonlike aandag. Ons glo dat persoonlike aandag ‘n groot rol speel in die sukses van ons leerders. Met ‘n kleiner klaskameromgewing kan ons onderwysers meer individuele aandag aan elke student gee.
3. Elke klas by Vastrap het ‘n waterverkoelingstelsel. Dit verseker ‘n gemaklike en aangename leeromgewing, veral in die warm somermaande.
4. Ons skool het ‘n swembad waarin jy kan afkoel en leer swem. Hierdie aktiwiteit is nie net pret nie, maar dit is ook ‘n belangrike vaardigheid om te hê.
5. Vastrap is ‘n voorloper op die gebied van tegnologie. Ons klasse is toegerus met interaktiewe borde en CCTV-kameras, wat ‘n veilige en innoverende leeromgewing bied.
6. Ons bied ook Robotika as vak aan, wat ‘n vinnig groeiende veld in die tegnologie is.
7. Veiligheid is ‘n prioriteit by Vastrap. Ons is toegewy om ‘n veilige en beskermde omgewing vir ons studente te skep.
8. Ons manlike onderwysers beman die aflaaisones vroegoggend, om ouers tyd te spaar.
9. Ons is baie trots om te sê dat Vastrap volgens SAMF ‘n toppresteerende skool in wiskunde in NW is. Dit is ‘n prestasie waaroor ons opgewonde is en dit is ‘n bewys van die kwaliteit van ons onderwysers en kinders.
10. Vastrap spog met ‘n unieke terrein wat inderdaad van ‘n uitstaande gehalte is. Met ‘n atletiekbaan, swembad, netbal- en tennisbane, hokkie- en krieketvelde, ‘n gimnastieksaal en ‘n boogskietbaan, bied ons ‘n wye verskeidenheid sportgeleenthede vir ons leerders aan. Verder het ons ‘n koffiewinkel, klerewinkel, snoepwinkel, rekenaarsentrum, asook ‘n biblioteek en naskoolsentrum alles op een perseel. Ons het ook verskeie klimrame en speelareas vir groeiende en ontwikkelende lyfies.