Personeel

Vastrap het verskeie dinamiese spanne – die ruggraat van ons wonderlike skool.

Ons onderwyserskorps is goed opgelei, passievol oor elke kind en altyd bereid om die ekstra myl te loop.

Die Beheerliggaam van Laerskool Vastrap is deur die ouergemeenskap van ons skool verkies om die belange van die skool te bevorder. Die BL is trotse verteenwoordigers van elke ouer en elke kind in Vastrap.

Die Vasvatters is die leerling leiers wat toesien dat ons skool elke dag ons waardes uitleef en ons missie leef. Elke termyn word nuwe leiers aangewys.

Ons ouers is toegewyde ondersteuners en altyd teenwoordig by enige Vastrap-geleentheid.

Muvassi is die nuutste toevoeging tot die gesin – ons eie, snoesige gelukbringer!

‘n Boodskap van die Hoof

Lambert Jankowitz

Laerskool Vastrap se leuse is TREK SAAM. Dit is wat uitstaan wanneer die personeel, leerlinge en ouers saamstaan, saamwerk en saamtrek om hierdie skool met sy ryk tradisies en toekomsvisie na nog hoёr hoogtes te lei.

Vastrap is wyd en syd bekend vir sy akademiese, sport en kultuurprestasies, maar ook as dié skool wat hoop en geleentheid vir sy leerlinge bied.

As skool met hoë Christelike waardes en norme, streef elke onderwyser daarna om leerlinge op alle lewensterreine van hulle volwasse lewens toe te rus.

Die Vastrap-kinders is ons kosbaarste en grootste geskenk waarvoor die skool verantwoordelikheid aanvaar. Leerlinge, ouers en personeel beleef Vastrap as ‘n veilige hawe waar almal geborge voel, vir mekaar omgee en na mekaar uitreik.

Een van die belangrikste besluite wat enige ouer vir sy kind kan neem, is ongetwyfeld die keuse van ‘n geskikte skool. Mag Laerskool Vastrap, met waardes wat spreek van respek, uitnemendheid, integriteit en lojaliteit, die skool wees wat ‘n groot bydrae in u kind se toekoms lewer.

Eenmaal ‘n Vastrapper, altyd ‘n Vastrapper!